धनुषा । हिरासतभित्रै भएको मृत्युबारे अध्ययन गर्न संघीय संसद टोली जनकपुर पुगेको छ ।
धनुषाको सबैला नगरपालिकाका शम्भु सदाको हिरासतमा मृत्यु भएको घटनाबारे अध्ययन गर्न संघीय सांसदको टोली जनकपुर पुगेको हो ।
प्रतिनिधिसभाको कानुन, न्याय तथा मानवअधिकार समितिको टोली मंगलबार जनकपुर पुगी सरोकारवालासँग छलफल सुरुवात गरेको बताइएको छ ।
देशका विभिन्न हिरासतमा मृत्यु भएकाहरुको स्थलगत अध्ययनका लागि केही दिनअघि ६ सदस्यीय अध्ययन समिति गठन भएको थियो । सो टोलीले मृतक सदाको घर पुगेर आफूहरुले उनकी आमा, श्रीमतिसहित छिमेकीसँग घटनाबारे जानकारी लिएको छ ।
