कैलाली। गत शुक्रबार बाजुराको हिमाली गाउँपालिका-५, कवाडी खोलामा डुबेर बेपत्ता भएकामध्ये दुईजनाको शव फेला परेको छ । आमासहित एकै परिवारका पाँचजना सदस्य असोज १६ गते कवाडी खोलामा डुबेर बेपत्ता भएका थिए ।
प्रहरीले खोजी गर्ने क्रममा ४ वर्षीया छोरी सन्तोषी नेपाली र आमा सत्ता नेपालीकाे आज शव फेला परेको जिल्ला प्रहरी कार्यालय बाजुराका प्रमुख प्रहरी नायव उपरीक्षक (डिएसपी) मदनजीत महराले बताए ।
फेला परेकामध्ये सन्तोषीलाई डुबेको ठाउँभन्दा १० किलोमिटर पर र सत्तालाई तीन किलोमिटर पर कर्णाली नदीको बीच भागमा रहेको काटेबगर भन्ने स्थानमा फेला परेको डिएसपी महराले बताए ।
बेपत्ता भएका पाँच वर्षीया आरती, एक वर्षीया किस्मती र २ वर्षीय सम्मान नेपालीको अझै खोजी कार्य भइरहेको डिएसपी महराले बताए ।
