काठमाडौं । आज बिहानै कलंकीमा ट्रक दुर्घटना हुँदा ३ जनाको मृत्यु भएको छ । पार्किङ गरेर राखेको ट्रकलाई अर्को ट्रकले ठक्कर दिँदा ३ जनाको मृत्यु भएको प्रहरीले जनाएको छ ।
मकालु पेट्रोल पम्प नजिकै पार्किङ गरेर राखेको बा ३ ख ७५३० नम्बरको ट्रकलाई अर्को बा ५ ख ८८६५ नम्बरको ट्रकले ठक्कर दिँदा बा ५ ख ८८६५ नम्बरको ट्रकमा सवार ३ जनाको मृत्यु भएको प्रहरीले जनाएको छ ।
दुर्घटनामा मृत्यु हुनेमा नुवाकोट सुन्दरदेवी गाँउपालिकाका २४ वर्षीय रोशन तामाङ, नुवाकोट तारकेश्वरका ३७ वर्षीय माधव घिमिरे र एकजना अन्य एकको परिचय नखुलेको महानगरीय प्रहरी वृत्त कालीमाटीले जनाएको छ । उक्त दुर्घटनामा अन्य एकजना गम्भीर घाइते भएको र घटनाबारे अनुसन्धान भइरहेको प्रहरीले जनाएको छ ।
