बुटवल । रुपन्देहीको तिलोत्तमामा बाबुको चक्कु प्रहारबाट छोराको मृत्यु भएको छ । घटना शनिबार साँझको हो ।
तिलोत्तमा नगरपालिका–११ गणेशनगरका ४३ वर्षीय शेरबहादुर गुरुङले १९ वर्षीय छोरा पदमबहादुरलाई चक्कु प्रहार गरेका हुन् ।
रक्सी पिएका शेरबहादुरले श्रीमतीलाई जथाभावी गालीगलौज गरेका थिए । छोरा पदमबहादुरले बाबुलाई सम्झायने क्रममा शेरबहादुरले चक्कु प्रहार गरेका थिए ।
इलाका प्रहरी कार्यालय बुटवलका प्रमुख डीएसपी प्रतितसिंह राठौरका अनुसार, बाबुको चक्कु प्रहारबाट पदमबहादुरको घटनास्थलमै मृत्यु भएको हो ।
शेरबहादुरलाई शनिबार राति नै प्रहरीले नियन्त्रणमा लिएर अनुसन्धान सुरु गरेको छ ।
