जनकपुरधाम । एसिड बेच्ने एक व्यापारीलाई धनुषा प्रहरीले पक्राउ गरेको छ ।
पतिले नै पत्नि र छोरीमाथि एसिड प्रहार गरेपछि धनुषा प्रहरीले जनकपुरधाम उपमहानगरपालिका वडा नं. ४ स्थित किराना पसलबाट ५८ बोतल एसिडसहित नागेन्द्र साहलाई पक्राउ गरेको धनुषाका प्रहरी उपरीक्षक रमेश कुमार बस्नेतले जानकारी दिए ।
बियरको बोतलमा भरेर राखिएको अवस्थामा साहलाई एसिडसहित पक्राउ गरिएको प्रहरी उपरीक्षक बस्नेतले जानकारी दिए ।
शनिबार जनकपुरधाम उपमहानगरपालिका वडा नं. ७ स्थित माइतीमा रहेकी आफ्नै पत्नि आरती साह र छोरीमाथि एसिड प्रहार गरेपछि एसिड प्रहार गर्ने श्रीमान सन्जिव साहलाई नियन्त्रणमा लिएपछि अनुसन्धानको क्रममा एसिड व्यापारी पक्राउ परेको प्रहरी उपरीक्षक बस्नेतले जानकारी दिए ।
