भक्तपुरको एक कुखुरा फर्ममा आगलागी भएको छ ।
चाँगुनारायण नगरपालिका–८ जितपुरमा दीपक गिरीले सञ्चालन गरेको कुखुरा फर्ममा आगलागी भएको हो ।
गहुँको छ्वालीले छाएको टहरोमा भुसे चुलोबाट आगो सल्किएको थियो ।
आगलागीबाट सबै टहरा नष्ट भएका छन् । साथै प्यारेज जातका करिव दुई हजार ७०० कुखुरा जलेका छन् ।
आगलागीबाट करिब १५ लाखको क्षति भएको बताइएको छ ।
महानगरीय प्रहरी प्रभाग सुडालको टोलीले स्थानीयको सहयोगमा आगो नियन्त्रणमा लिएको छ ।
