काठमाडौं । काठमाडौंको कोटेश्वर चोकमा कटुवा पेस्तोल देखाएर लुटपाटको प्रयास भएको छ ।
आइतबार बिहान ६:३० बजे काठमाडौं महानगरपालिका ३२ कोटेश्वरमा एक युवकमाथि पेस्तोल देखाएर लुटपाटको प्रयास भएको हो ।
महानगरीय प्रहरी परिसर काठमाडौंका प्रवक्ता प्रहरी नायब उपरीक्षक प्रमेश विष्टका अनुसार राधेराधे बस्ने अनदाजी ३० वर्षका युवराज आलेमगरमाथि लुटपाटको प्रयास भएको हो ।
'कटुवा पेस्तोल देखाएर मोबाइल फोन माग्यो । आफूले प्रतिवाद गर्दा पेस्तोल झरेपछि ती व्यक्ति भागेको भन्ने खबर आएको थियो,' उनले भने । उनले घटना भएपछि प्रहरीलाई खबर गरेका थिए ।
प्रहरीले केही व्यक्तिहरूलाई नियन्त्रणमा लिएर थप अनुसन्धान गरिरहेको छ ।
