झापा । पूर्वपश्चिम राजमार्गस्थित मेचीनगर नगरपालिका–१३ मा ट्रकको ठक्करबाट एक मोटरसाइकलचालकको मृत्यु भएको छ ।

मंगलबार राति पूर्वबाट पश्चिमतर्फ जाँदै गरेको को. २८ प ८८९१ नम्बरको मोटरसाइकललाई विपरीत दिशाबाट आउँदै गरेको मे. १ ख ८११ नम्बरको ट्रकले ठक्कर दिँदा उनको मृत्यु भएको हो । 

प्रहरीका अनुसार मृत्यु हुनेमा मोरङ पथरी शनिश्चरे नगरपालिका–९ का २१ वर्षीय प्रवेश बयलकोटी हुन् । ट्रकको ठक्करबाट घाइते भएका उनलाई उपचारका लागि विर्तामोडस्थित बिएण्डसी अस्पताल लगिएको थियो । उपचारकै क्रममा उनको मृत्यु भएको प्रहरीले जनाएको छ ।