धनुषा । एक सातायता परेको अविरल वर्षाले जनकपुरधाम उपमहानगरको अधिकांश भाग जलमग्न भएका छन् ।
वर्षाले नगरभित्रका अधिकांश सडक तथा सरकारी कार्यालयमा पानी जमेको छ । कतिपय घर डुबानमा समेत परेका छन् ।
उपमहानगरका वडा १, २, ३, ४, ७, ८ र १३ डुबानबाट बढी प्रभावित भएका छन् ।
हुलाक कार्यालय, वन निर्देशनालय, नेपाल परिवार सङ्घ, आन्तरिक राजश्व कार्यालय लगायतका कार्यालय डुबानमा परेका छन् ।
एसियाली विकास बैंँकको आर्थिक एवम् प्राविधिक सहयोगमा यहाँ एकीकृत सहरी विकास परियोजना कार्यान्वयनमा छ ।
परियोजनाले यहाँका सडक स्तरोन्नति गरिरहेको छ । ढल व्यवस्थापन नहुँदा नगरका अधिकांश क्षेत्र जलमग्न भएको बताइएको छ । डुबान क्षेत्रमा धनजनको क्षति नभएको प्रहरीले जनाएको छ ।
