बनेपा । अविरल वर्षापछि काभ्रेपलाञ्चोकको बनेपा बजार डुबानमा परेको छ ।
पुण्यमाता नदीको भल पुलबजारमा छिर्दा बजार डुबानमा परेकोको हो ।
'अविरल वर्षासँगै पुण्यमाता खोलाको बाढी सडकमा आएपछि बजार क्षेत्र डुवानमा परेको हो ।' काभ्रेका प्रमुख जिल्ला अधिकारी शिवराम पोखरेलले भने ।
शुक्रबार बिहान साना गाडी डुबाउने गरी सडकमा पानी भरिएको थियो ।
'भलका कारण आधा घण्टा जति सडक नै अवरुद्ध भएको' बनेपाका व्यापारीले जानकारी दिए । अहिले भने सडक सञ्चालनमा आएको छ ।
'सडक होचो भएकाले वर्षायाममा यस्तो समस्या पटक-पटक दोहोरिने गरेको' स्थानीय बताउँछन् ।
