नेपालमा विगत २४ घण्टामा कोरोना संक्रमणका २ हजार ३७० जना संक्रमित थपिएका छन् ।
स्वास्थ्य तथा जनसंख्या मन्त्रालयले सोमवार दिएको जानकारी अनुसार ७ हजार ६८९ ओटा पीसीआर परीक्षण गरिएकोमा १ हजार ६९० जना र ३ हजार ८९५ ओटा एन्टिजेन परीक्षण गर्दा ६८० गरी २ हजार ३७० जनामा कोरोना भाइरस संक्रमण पुष्टि भएको हो । योसँगै नेपालमा कोरोना संक्रमितको कुल संख्या ६ लाख ५७ हजा १३९ पुगेको छ ।
यसैगरी सो अवधिमाकोरोना संक्रमणबाट १८ जनाको मृत्यु भएको छ । यो सँगै नेपालमा कोरोना संक्रमणका कारण हालसम्म ९ हजार ४०० जनाको मृत्यु भएको छ ।
आज थप १ हजार १३३ जना संक्रमणमुक्त भएका छन् । योसँगै निको हुनेको संख्या ६ लाख २१ हजार २७ पुगेको छ । कुल संक्रमितमध्ये ९४.५० संक्रमित निको भएको मन्त्रालयले जनाएको छ ।
