आज पनि कोरोनाभाइरस संक्रमितको संख्यामा कमी आएको छैन। निको हुनेको संख्या भने बढेको छ। स्वास्थ्य तथा जनसंख्या मन्त्रालयका अनुसार, ११ हजार १२ जनाको स्वाब परीक्षण गर्दा दुई हजार ३९८ जनामा कोरोना संक्रमण देखिएको छ।

मन्त्रालयका अनुसार पछिल्लो २४ घण्टामा २ हजार ७८ जना निको भएका छन्। हालसम्म संक्रमणमुक्त हुनेको संख्या ६ लाख २३ हजार १०५ पुगेको छ।

आज एन्टीजेन परीक्षणबाट ७५९ जनाको रिपोर्ट पोजेटिभ देखिएको छ। हाल देशभर २६ हजार २ सय ६१ जना सक्रिय संक्रमित रहेको स्वास्थ्य मन्त्रालयले जनाएको छ । आज १२ जनाको मृत्यु भएको छ। हालसम्म मृत्यु हुनेको संख्या ९ हजार ४१२ पुगेको छ।