स्वास्थ्य तथा जनसंख्या मन्त्रालयका अनुसार आज ४ हजार १०७ जना कोरोना संक्रमित थपिएका छन्। आज पिसिआर विधीबाट २ हजार ९७५ जना र एन्टीजेन परीक्षणबाट १ हजार १३२ जनाको रिपोर्ट पोजेटिभ देखिएको छ । हालसम्म सक्रिय संक्रमितको संख्या ३३ हजार ४६४ रहेको छ।

आज ३५ जनाको मृत्यु भएको छ। हालसम्म मृत्यु हुनेको संख्या ९ हजार ९५७ पुगेको छ। आज १६ हजार २९८ जनाको परीक्षण गरिएको छ। पछिल्लो २४ घण्टामा १ हजार ५३५ जना निको भएका छन् । हालसम्म संक्रमणमुक्त हुनेको संख्या ६ लाख ६१ हजार ६५१ पुगेको छ।

आज काठमाडौं उपत्यकामा आज १ हजार २७९ जना संक्रमित थपिएका छन्। काठमाडौंमा ९०८, भक्तपुरमा २०६ र ललितपुरमा १६५ जना थपिएका हुन्।