पछिल्लो २४ घण्टामा ३९६ जना कोरोना संक्रमण मुक्त भएका छन्। त्यस्तै १३९ जनामा कोरोना भाइरस संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार २ हजार १३४ जनाको पीसीआर परीक्षण गर्दा १२८ जना र १ हजार ७९८ जनाको एन्टिजेन परीक्षण गर्दा ११ जना गरी १३९ जनामा कोरोना भाइरसको संक्रमण देखिएको हो।
यस्तै पछिल्लो २४ घण्टामा कोरोना संक्रमणबाट १ जनाको मृत्यु भएको छ। यससँगै कूल मृतकको संख्या ११ हजार ४३२ पुगेको छ।
कूल निको हुनेको संख्या ७ लाख ९४ हजार ८३४ पुगेको छ। कूल संक्रमितको संख्या पीसीआर विधिबाट ८ लाख १४ हजार ४१७ र एन्टीजेनबाट ९४ हजार ८१५ पुगेको छ। नेपालमा हाल ८ हजार १४४ जना सक्रिय संक्रमित रहेका छन्।
