पछिल्लो २४ घण्टामा ४७८ जना कोरोना संक्रमण मुक्त भएका छन्। त्यस्तै २९५ जनामा कोरोना भाइरस संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार ५ हजार २२५ जनाको पीसीआर परीक्षण गर्दा २६० जना र ३ हजार १८ जनाको एन्टिजेन परीक्षण गर्दा ३५ जना गरी २९५ जनामा कोरोना भाइरसको संक्रमण देखिएको हो।

यस्तै पछिल्लो २४ घण्टामा कोरोना संक्रमणबाट २ जनाको मृत्यु भएको छ। यससँगै कूल मृतकको संख्या ११ हजार ४७१ पुगेको छ। नेपालमा हाल ७ हजार २७८ जना सक्रिय संक्रमित रहेका छन्।