संखुवासभा । संखुवासभाको सभापोखरी गाउँपालिका–१ लेब्राङमा एक घरमा आगलागी भएको छ ।
स्थानीय मानबहादुर लिम्बूको घरमा गएराति १० बजेतिर आगलागी भएको जिल्ला प्रहरी कार्यालय संखुवासभाका प्रहरी निरीक्षक सरोज खनालले जानकारी दिए ।
उनका अनुसार घटनाको खबर आउने बित्तिकै घटनास्थलमा प्रहरी परिचालन भएको छ ।
अहिले सार्वजनिक मुचुल्का तयार पर्ने र क्षतिको बारेमा थप अनुसन्धान भइरहेको हुँदा थप विवरण आउन बाँकी रहेको प्रहरी निरीक्षक खनालको भनाइ छ ।
आगलागीबाट मानवीय क्षति नभएपनि घरभित्र रहेको अन्नपात र लत्ताकपडाहरु सबै जलेर नष्ट भएका छन् ।
फुसको छानो भएकोे घरमा रातको समयमा अचानक आगलागी भएको बताइएको छ । आगलागीको कारण भने अहिलेसम्म खुलन सकेको छैन ।
