काठमाण्डौ । साउदी अरेबियाको दमाममा उडानका लागि नेपाल वायुसेवा निगमले टिकट बुकिङ खुल्ला गरेको छ ।
आफ्नो १३ औँ अन्तर्राष्ट्रिय गन्तव्यका रुपमा दमाममा नियमित उडान गर्न लागेको निगमले आजदेखि नै टिकट बुकिङ खुल्ला गरेको निगमका प्रवक्ता रमेश पौडेलले जानकारी दिए ।
निगमले काठमाण्डौ–दमाम–काठमाण्डौ रुटमा आउँदो २० गतेदेखि सिधा उडान शुरु गर्नेछ ।
शुरुमा बुधवार र शनिवार गरी हप्ताको दुई दिन सिधा उडान गर्ने र आवश्यकता अनुसार पछि थप गर्दै जाने निगमको सूचनामा उल्लेख छ ।
धेरै नेपालीहरु रोजगारकिा लागि साउदी जाने गरेका छन् ।
