महोत्तरी ।अज्ञात रोगका कारण प्राकृतिक स्रोत व्यस्थापन कलेज बर्दिबासका ७९ जना बिद्यार्थी एकसाथ बिरामी परेका छन । 
एक्कासी ज्वरो र टाउको दुख्ने लक्षण देखिएपछी उनिहरुलाई बर्दिबास अस्पतालका  चिकित्सकहरुले आज परिक्षण गरेका थिए  । परिक्षणको क्रममा ३ जनालाइ डेंगु प्रमाणित भएतापनी अन्य विद्यार्थीहरुलाई उच्च ज्वरो देखिएको निमित्त क्याम्पस प्रमुख हरि भुजुले जानकारी दिए । सातौ सेमेस्टरको परीक्षा चलीरहेको अवस्थामा केही बिद्यार्थीहरुमा  त्यतिवेला पनि ज्वरो आएको भुजेलको भनाइ छ । रोगको बिषयमा चिकित्सकहरुले परिक्षण गरिरहेका छन  । बर्षातका कारण दुषित पानी सेवनले ज्वरो फैलिएको अनुमान गरेतापनी डेंगुको नै लक्षण भएको हुन सक्ने चिकित्सकहरुले वताएका छन । २२ गते हुने परीक्षा पनि बिद्यार्थी बिरामी भएपछी स्थगन गर्न लगाइएको वडा अध्यक्ष पदम आलेमगरले जानकारी दिए । धमाधम ज्वरो र टाउको दुख्ने लक्षणवाट प्रताडित वनेपछी वडा अध्यक्ष मगरले  आज क्याम्पसमा नै स्वास्थ्य शिविर राखेका छन् । परिक्षण गरिएका सवै विद्यार्थीहरुमा ज्वरो देखिएको थियो । कतिपयको स्थानीय क्ल्निीकमा उपचार भएतापनी केहीको भने बर्दिबास अस्पतालमा उपचार भैइरहेको छ । यसै समबन्धमा अखिल नेपाल राष्ट्रिय स्वतन्त्र बिध्यार्थी युनियनले  बिद्यार्थीहरुमा फैलिरहेको ज्वरोलाई मध्यनजर गर्दै एक बिज्ञप्ति समेत निकालेको छ । बिज्ञप्तिमा एक हप्तादेखी दुषित पानीका कारण फैलिएको टाइफाइडका कारण बिद्यार्थी प्रताडित वनेपछी पाचौं सेमेस्टरको परिक्षा स्थगन गर्न माग गरिएको छ ।
कृषि तथा वन बिज्ञान विस्वविद्यालय राष्ट्रिय समितिका सचिव शिव बस्नेतले निकालेको बिज्ञप्तिमा रोग नियन्त्रणमा नआएसम्म परिक्षा रोक्न आग्रह गरिएको छ । परिक्षा स्थगनको लागी प्राकृतिक स्रोत ब्यवस्थापन कलेजले पनि डिनको कार्यालयलाई पत्र लेखिसकेको निमित्त क्याम्पस प्रमुख भुजेलले जानकारी दिए । विद्यार्थीहरुको स्वास्थ्यलाई मध्यनजर गर्दै नगरप्रमुख र सरोकारवाला निकायमा संयोजन भैइरहेको वताउदै वडा अध्यक्ष मगरले रोगको बिषयमा अहोरात्र निगरानी गरिरहेको जानकारी दिए । यो कलेज बर्दिबास नगरपालिकाको वडा न.६ स्थित भित्री गाउमा रहेको छ ।