पछिल्लो समयमा अप्रत्याशित नतिजा निकालेको नेपाल एक दिवसीय बरीयतामा एक स्थान तल झरेको छ ।
अन्तर्राष्ट्रिय क्रिकेट काउन्सिल (आइसिसी) को नयाँ बरीयतामा नेपाल तल झरेको हो । आइसिसीले शुक्रवार नयाँ वरीयता सार्वजनिक गरेको हो ।
नयाँ वरीयताअनुसार नेपाल १६ स्थानमा पुगेको छ । नेपालले आठ खेलबाट १९ रेटिङ पाएको छ । बरीयतामा नेपालभन्दा तल संयुक्त अरब इमिरेट्स (युएई) र पपुवा न्युगिनी छन् ।
विश्व विरयताको पहिलो स्थानमा इङ्ल्यान्ड रहेको छ । त्यसै गरी भारत दोस्रो तथा न्युजिल्यान्ड तेस्रो स्थानमा छन् । अर्को बलियो टिम अस्ट्रेलिया बरीयताको चौथो र दक्षिण अफ्रिका पाँचौँ स्थानमा छन् ।
आइसिसीको टी- २० बरीयतामा भने नेपाल पुरानै स्थानमा रहेको छ । टी- २० मा नेपाल ११औं स्थानमा छ भने टेस्ट मान्यता प्राप्त जिम्बाबे र आयरल्यान्ड नेपालभन्दा तल छन् ।
टी–२० बरीयताको शीर्ष स्थानमा पाकिस्तान रहेको छ भने दोस्रोमा इङ्ल्यान्ड, तेस्रोमा दक्षिण अफ्रिका, चौथोमा भारत र पाँचौँ स्थानमा अस्ट्रेलिया छ ।
