दक्षिण एसियाली खेलकुद सागअन्तगर्त आज मंगलबार १७ स्वर्ण पदकका लागि प्रतिष्पर्धा हुँदैछ ।

मंगलबारदेखि भलिबलतर्फ दुईवटा स्वर्णका लागि फाइनल खेल हुँदैछ । पुरुषतर्फको उपाधिका लागि भारत र पाकिस्तान आमनेसामने हुँदैछन् भने महिलातर्फ नेपाल र भारत प्रतिष्पर्धा गर्दैछन् । पुरुष फाइनल दिउँसो दुई बजे र महिलातर्फको खेल चार बजेपछि हुनेछ ।

सागमा कसको पदक कति ? हेर्नुहोस् ।

देश		स्वर्ण	रजत	कास्य	जम्मा
नेपाल		१८	५	७	३०
भारत		५	८	३	१६
श्रीलंका		३	९	१४	२६
पाकिस्तान		२	४	७	१३
बंगलादेश		२	०	१६	१८
भुटान		०	०	१	१
माल्दिप्स		०	०	०	०

आजदेखि एथलेटिक्सका खेलहरु पनि हुनेछन् । कराँतेमा ६ वटा स्वर्णको छिनोफानो हुँदैछ । यस्तै उसुमा पनि दुई स्वर्णको टुंगो लाग्नेछ । ट्रायाथलनमा मिक्सड रिलेको फाइनल हुनेछ ।

मंगलबार नै नेपाल र भुटानबीचको फुटबल खेल दशरथ रंगशालामा हुँदै छ । बंगलादेश र माल्दिभ्सबीच पनि आजै भिड्दै छन् । महिला फुटबलमा नेपाल र श्रीलंका तथा भारत र माल्दिभ्स खेल्दैछन् ।

आजदेखि पुरुष क्रिकेट सुरु हुँदैछ । पुरुष क्रिकेटमा नेपाल र श्रीलंकाको यू–२३ टिमबीच प्रतिष्पर्धा हुनेछ । पोखरामा हुने महिला क्रिकेटमा भने श्रीलंका र बंगलादेश खेल्नेछन् ।

आजदेखि सातदोबाटोको सुटिङ रेन्जमा सुटिङका प्रतिष्पर्धा हुँदैछन् ।लन टेनिसमा टिम इभेन्टका सेमिफाइनलका खेलहरु संचालन हुनेछन् ।