इटालियन सिरी ए फुटबलमा क्रिस्टियानो रोनाल्डोले ह्याट्रिकसँगै युभेन्टसले काग्लियारीलाई ४ – ० ले हराएको छ । जितसँगै युभेन्ट्स ४५ अंक जोड्दै शीर्ष स्थानमा उक्लिएको छ । 

पहिलो हाफ गोलरहित बराबरी खेलेको युभेन्टसले सबै गोल दोस्रो हाफमा गरेको थियो । ४९औँ मिनेटमा रोनाल्डोले युभेन्टसका लागि खाता खोलेका थिए ।

काग्लियारीका डिफेन्डरले डिवालालाई डी बक्समा फल गरेपछि पाएको  पेनाल्टीलाई रोनाल्डोले गोलमा परिणत गरे । खेलको ६७औँ मिनेटमा रोनाल्डोले दोस्रो गोल गरे ।

तेस्रो गोल ८१औँ मिनेटमा गोन्जालो हिग्युनले गरेका थिए । त्यसको एक मिनेटमै रोनाल्डोले गोल थप्दै ह्याट्रिक पूरा गरे ।

अर्को खेलमा एट्लान्टाले पर्मामाथि ५ - ० को शानदार जित हात पारेको छ ।