नेपाली राष्ट्रिय महिला टोली एवं एपिएफकी फरवार्ड सावित्रा भण्डारी (साम्बा) भारतीय महिला लिग (आईडब्लूएल) मा सर्वाधिक गोलकर्ता बनेकी छन् ।

सावित्राले सात खेलमा १६ गोल गरेकी हुन् । सर्वाधिक गोलकर्ता बनेकी सावित्राले एक लाख भारतीय रुपैयाँ पाएकी छन् ।  शुक्रबार फाइनलमा सावित्राको निर्णायक गोलमा गोकुलम केराला एफसीले क्रिप्सा एफसीलाई ३–२ ले हराउँदै च्याम्पियन बनेको थियो । 

 २–२ को बराबरीको अवस्थाबाट सावित्राले खेल सकिन तीन मिनेट बाँकी रहँदा निर्णायक गोल गरेकी थिइन् ।