इङ्लिस प्रिमियर लिग फुटबलमा चेल्सीलाई म्यानचेस्टर युनाइटेडले २-० ले हराएको छ । चेल्सीविरुद्ध युनाइटेडका एन्थोनी मार्सियल र ह्यारी मिगुएरले गोल गरे ।
४५औँ मिनेटमा एन्थोनी मार्सियालले आरोना विशाखाको पासमा गोल गर्दै युनाइटेडलाई अग्रता दिलाए । दोस्रो हाफमा सानदार प्रदर्शन गरेको चेल्सीले गोलको अवसर पनि बनायो । तर, ५४औं मिनेटमा कोर्ट जोउमाले गरेको गोललाई भीएआरको सहायतामा मान्यता दिईएन ।
६६ औँ मिनेटमा ह्यारी मिगुएरको गोलमा युनाइटेडले अग्रता दोब्बर बनायो । उनले ब्रुनो फर्नान्डेजको पासमा गोल गरेका थिए । त्यसपछि ७७ औँ मिनेटमा चेल्सीका ओलिभर गिरुउडको गोललार्ई भीएआरकै सहायतामा अफसाइड दिएपछि चेल्सी हार खेप्न बाध्य बन्यो ।
जीतसँगै युनाइटेड २६ खेलबाट ३८ अंकसहित साताैं स्थानमा उक्लियो । हारका बाबजुद चेल्सी ४१ अंकसहित चौथो स्थानमै सिमित छ । दुबै टोली आगामी संस्करणको च्याम्पियन्स लिगमा छनौट हुन संघर्षरत छन् ।
