एजेन्सी । इंग्लिस क्लब म्यानचेस्टर युनाइटेड युइएफए युरोपा लिगको प्रि–क्वाटरफाइनलमा पुग्न सफल भएको छ ।
बेल्जियन क्लब ब्रगमाथि ५–० को सानदार जित निकाल्दै म्यानचेस्टर युनाइटेड प्रि–क्वाटरफाइनलमा प्रवेश गरेको हो ।
बिहीबार राति राउन्ड अफ ३२ को दोस्रो लेग अन्तर्गतको खेलमा म्यानचेस्टर युनाइटेडले जित निकाल्दै अन्तिम १६ मा पुग्न सफल भएको हो ।
युनाइटेडले समग्रमा ६–१ को जित निकालेको छ । क्लब ब्रगको मैदानमा पहिलो लेग १–१ गोलको बराबरीमा टुंगिएको थियो ।
१० खेलाडीमा समेटिएको क्लब ब्रगमाथिको जितमा फ्रेडले दुई तथाम ब्रुनो फर्नान्डेज, ओडिन इघालो र स्कट म्याक टोमिनेले गोल गरे ।
ओल्ड ट्राफोर्डमा खेलको २३औं मिनेटमा नै क्लब ब्रग १० खेलाडीमा सीमित भएको थियो ।
म्याक टोमिनेमाथि पेनाल्टी बक्समा ट्याकल गरेपछि सिमोन डेली सिधै रातो कार्ड खादै मैदानबाट बाहिरिएका थिए ।
