पाकिस्तान क्रिकेट टिमका प्रशिक्षक तथा मुख्य छनोटकर्ताले बोर्डसँगको सम्झौताका लागि नयाँ सूची तयार पारेका छन् । जसमा च्याम्पियन्स ट्रफी दिलाएका कप्तान सरफराज अहमद, फखर जमान, हसन अली जस्ता खेलाडी बाहिर रहेका छन् ।
मिस्वाले तयार पारेको सूची पाकिस्तान क्रिकेट बोर्डलाई पठाएका छन् । पाकिस्तान क्रिकेट टिमका एक सदस्यले बताएअनुसार त्यो सूचीमा च्याम्पियन्स ट्रफी दिलाएका सरफराज अहमदसँगै मोहम्मद आमी, वायब रियाज पनि बाहिर परेका छन् ।
यो सूची बनाउनका लागि मिस्वासँगै बोर्डका प्रमुख कार्यकारी अधिकृत वसीम खानले पनि सहयोग गरेका थिए । जसमा उस्मान सिनवारी पनि बाहिर भएका छन । मिस्वाले युवा खेलाडीलाई सो सूचीमा राखेका छन् । जसमा नसीम शाह, आबिद अली, मोहम्मद हसनैनलाई समावेश गरिएको छ । बोर्डले यी चार खेलाडीले राम्रो गरेको बताएको छ ।
कोरोना संक्रमणका कारण पीसीबीले तोकेको समयभन्दा दुई महिनाअघि नै खेलाडीको सूची सर्वाजनिक गर्नेछ । अरुबेला जुलाईमा सम्झौतामा परेका खेलाडीको सूची सार्वजनिक हुन गरेको थियो । तर भाइरसको असरका कारण खेलाडीहरु असुरक्षित रहेकाले दुई महिना अगावै सूची बनाएको सिइओ खानले बताएका छन् ।
