इन्डियन प्रिमियर लिग क्रिकेट (आईपीएल) को १३ औं संस्करणको लागि भारतीय क्रिकेट कन्ट्रोल बोर्डले खेल तालिका सार्वजनिक गरेको छ ।
गत मार्चमा सुरु हुने ओरिजिनल तालिका भए पनि कोरोना महामारीका कारण आईपीएल हुन सकेको थिएन । यसपटक आईपीएल युएईको तीन मैदानमा हुँदैछ ।
सेप्टेम्बर १९ मा आबुधावीमा हुने उद्घाटन खेलमा गत संस्करणको विजेता मुम्बई इन्डियन्स् र उपविजेता चेन्नइ सुपर किंग्स भिड्ने छन् ।
यस्तै सेप्टेम्बर २० मा नेपाली राष्ट्रिय टिमका खेलाडी सन्दीप लामिछाने सम्मिलित दिल्ली क्यापिटल्सले किङ्स इलाभेन पन्जाबसँग खेल्नेछ ।
आईपीएलको फाइनल खेल १० नोभेम्बरमा हुनेछ । १९ सेप्टेम्बरबाट ५३ दिन चल्ने लिग युएईका ३ सहरमा हुनेछ । लिगका धेरै खेल दुबईमा हुनेछ । दुबईमा २४, आबुधाबीमा २० र शारजाहमा १२ खेल हुनेछ ।
