इन्डियन्स इन्डियन प्रिमियर लिग (आइपिएल) को ४१ औं खेलमा चेन्नई सुपर किंग्सलाई १० विकेटले पराजित गर्दै मुम्बई अंक तालिकाकाे शीर्षस्थानमा उक्लिएको छ ।
जितको लागि ११५ रनको सामान्य लक्ष्य पछ्याएको मुम्बईले १२.२ ओभरमा बिनाविकेट सहजै पूरा गर्यो । यसअघि शारजाह क्रिकेट स्टेडियममा टस हारेर ब्याटिङ थालेको चेन्नईले २० ओभरमा ९ विकेट गुमाउँदै ११४ रन बनाएको थियो ।
मुम्बई १० खेलमा ७ मा जित र ३ मा हार सहित १४ अंकका साथ नेट रनरेटको आधारमा शीर्षस्थानमा उक्लिएको छ । समान १४ अंक भए पनि नेट रनरेटको आधारमा दिल्ली र बेंगलोर क्रमश: दोस्रो र तेस्रो स्थानमा छन् । कोलकाता १० खेलमा ५ मा जित र ५ मा हार सहित चौथो स्थानमा छ । सनराइजर्स हैदराबाद १० खेलमा ६ मा हार र ४ मा जित सहित पाँचौ स्थानमा उक्लिएको छ ।
पन्जाब १० खेलमा ६ मा हार र ४ मा जित सहित ८ अंक जोड्दै छैटौं स्थानमा छ । राजस्थान ११ खेलमा ७ मा हार र ४ मा जित सहित सातौं स्थानमा पुगेको छ । चेन्नई सुपर किंग्स ११ खेलमा ८ मा हार र ३ मा जित सहित पुछारमा छ ।
