इण्डियन प्रिमियर लिग आईपीएल अन्तर्गत आज जारी खेलमा किंग्स ११ पञ्जाबले राजस्थान रोयल्सलाई १८६ रनको लक्ष्य दिएकाे छ ।
शेख जायद स्टेडियम आबूधाबीमा टस हारेर ब्याटिङ थालेको पन्जाबले निर्धारित २० ओभरमा ४ विकेटको क्षतिमा १ सय ८५ रन बनायो । पन्जाबलाई बलियो योगफलमा पुर्याउन क्रिस गेलले ६३ बलमा ६ चौका र ८ छक्का सहित ९९ रनको योगदान दिए । त्यस्तै कप्तान केएल राहुलले ४६ रन बनाउँदा निकोलस पुरन २२ रनमा पभेलियन फर्किए ।
उता राजस्थानका लागि जोफ्रा आर्चर र बेन स्टोकले समान २/२ विकेट लिए । राजस्थान केहीबेरमा जवाफी ब्याटिङमा उत्रँदै छ।
