नेपाल ओलम्पिक कमिटि (एनओसी) ले ११ जना सदस्य रहेन गरी स्पोर्ट एण्ड इन्भाईरोमेन्ट कमिसनको गठन गरेको छ । एनओसीले एक कार्याक्रम गरी कमिसनका ११ जना सदस्यलाई स्वागत गरेको हो ।
स्वागत कार्यक्रममा कमिटीका अध्यक्ष जीवनराम श्रेष्ठले स्पोर्ट एण्ड ईन्भाइरोमेन्ट कमिसनको काम बारे जानकारी गराएका थिए । जसमा खेलकूद कार्यक्रमसँगै वातावरणीय संरक्षण र वृक्षरोपण कार्यक्रमलाई महत्वपूर्ण रुपमा अगाडी बढाउने विषयमा प्रकाश पारेका थिए ।
कमिसनले आगामी १५ दिन भित्र कमिशनका पदाधिकारीहरुबाट एक्सन नेपालसहितको अर्को बैठक बसी नयाँ कार्य योजना तयार पार्ने बताईएको छ ।
त्यस्तै, अध्यक्ष श्रेष्ठले कमिसनका पदाधिकारीहरुलाई बधाई दिँदै प्रमाण पत्र समेत हस्तान्तरण गरेका थिए । कार्यक्रममा नेपाल ओलम्पिक कमिटीका उपाध्यक्ष चतुरानन्द राज बैद्य तथा महासचिव निलेन्द्र राज श्रेष्ठको उपस्थिती रहेको थियो ।
कमिसनका पदाधिकारीहरुमा डा.सन्जय विक्रम श्रेष्ठ, सगुन राणा, डोल्मा लामा शाह, चन्देशस्वरनन्द राजबैद्य, शंकर गौतम, प्रदिप राजभण्डारी, धर्मामान बज्रचार्या, राजेन्द्र कपाली, प्रितेश श्रेष्ठ, पूर्ण शंकर श्रेष्ठ र गिता शाह रहेका छन् ।
