काठमाडाैं । नेपाल खेलकुद पत्रकार मञ्चले पुस २८ गते आयोजना गर्ने पल्सर स्पोर्ट्स अवार्डका लागि डिश होम मिडिया नेटवर्कले सह-प्रायोजन गर्ने भएको छ ।
मञ्च र डिश होमबीच बुधबार भएको सम्झौताअनुसार डिश होमले अवार्डको लागि नगद र जिन्सीसमेत गरेर ११ लाख रुपैयाँ बराबरको सह–प्रायोजन गर्नेछ ।
खेलकुद पत्रकार मञ्चले यस वर्ष पिपुल्स च्वाइस विधामा पौडीकी गौरिका सिंह, भलिबलकी अरुणा शाही, बास्केट बलकी सदिना श्रेष्ठ, फुटबलकी सावित्रा भण्डारी र कराँतेका मण्डेकाजी श्रेष्ठको नाम मनोनयन गरिसकेको छ ।
उत्कृष्ट पुरुष, महिला, पिपुल्स च्वाइस तथा प्रशिक्षक विधाका विजेतालाई पल्सर मोटरसाइकल पुरस्कार प्रदान गरिनेछ । अन्य विधाका विजेतालाई ५० हजार रुपैयाँसहित अन्य उपहार पनि प्रदान गरिने खेलकुद पत्रकार मञ्चले जनाएको छ ।
