एजेन्सी । गएराति सम्पन्न भएको इङलिस प्रिमियर लिगअन्तरगतको फुटबल खेलमा चेल्सी एस्टन र भिल्लाको अंक बराबरीमा रोकिएको छ । उक्त खेलमा चेल्सी र एस्टन भिल्लाबीचको खेल १–१ गोलको बराबरीमा रोकिको हो ।

खेलमा चेल्सीको लागि ओलिभर जिराउडले खेलको ३४औँ मिनेटमा गोल गरेर अग्रता लिएको थियो । सो खेलको पहिलो हाफमा एक शून्यको अग्रता लिएको चेल्सीले दोस्रो हाफको ५०औँ मिनेटमा गोल खाएको थियो ।

एस्टन भिल्लाको लागि अनवर यी घाजीले गोल गर्दै खेल बराबरी गरे । यस खेलमा बराबरी भएपछि एस्टन भिल्ला १४ खेलमा २६ अंकसहित पाँचौं स्थानमा रहेको छ भने चेल्सी १६ खेलमा २६ अंकसहित छैठौ स्थानमा रहेको छ ।