इंग्लिस प्रिमियर लिगमा आर्सनल र क्रिस्टल प्यालेस गोलरहित बराबरी खेल्दै अंक बाडेका छन् । गएराति सम्पन्न खेलमा दुवै टोलीले निर्धारित समयमा गोल गर्न सकेनन् ।

खेलको २०औं मिनेटमा कप्तान पिएरे इमरिक औवामियाङको प्रहारलाई प्यालेसका गोलरक्षक भिसेन्ट गुआइटाले बचाउदा आर्सनल अग्रता लिनबाट चुक्यो । २३औं मिनेटमा वेलफ्रेड जाहाको प्रहारमा ग्रानिट झाकाले क्लियर गर्दै आर्सनलको संकट टारे ।

३९औं मिनेटमा इविरिची इजीको प्रहार बारमा लागेर फर्कदा क्रिस्टल प्यालेस अग्रता लिनबाट चुक्यो । दुवैटोलीले आक्रमक खेले पनि फिनिसिङमा चुक्दा अंक बाडेका हुन् । 

यो बराबरीले आर्सनल १८ खेलबाट २४ अंक जोडेर ११औं स्थानमा रहँदा प्यालेस पनि समान खेलबाटै २३ अंक जोडेर १३औं स्थानमा यथावत रहेको छ ।