चेल्सीले १० खेलाडीमा समेटिएको फुलहममाथि १-० को कठिन जित निकालेको छ ।
एन्टोनी रोबिनस ४४औं मिनेटमै रातो कार्ड पाउ मैदान बाहिरिएपछि फुलहम घरेलु मैदानमा १० खेलाडीमा झरेको थियो । त्यसपछि दोस्रो हाफमा चेल्सीले एक गोल गर्यो । ७८औं मिनेटमा मासोन माउन्टले चेल्सीका लागि निर्णायक गोल गरे ।
जितपछि १८ खेलबाट २९ अंक जोड्दै चेल्सी सातौं स्थानमा उक्लिएको छ । समान अंक भएपनि चेल्सीले साउथह्याम्पटन र वेष्टह्यामलाई गोलअन्तरमा पछि पारेको हो ।
वेष्टह्याम बर्नलीलाई १-० ले पराजित गर्दै १०औं स्थानमा उक्लिएको हो । उता १७ खेलबाट १२ अंक मात्र रहेको फुलहम भने रेलिगेसन जोन अथात १८औं स्थानमै छ ।
लिगको अनय खेलमा वेष्टब्रोमले वल्भ्सलाई ३-२ ले तथा ब्राइटनले लिड्सलाई १-० ले पराजित गरेको छ ।
