जर्मन बुण्डेसलिगा अन्तर्गत गएराति भएको खेलमा बायर्न म्युनिखले फ्रेइबर्गलाई पराजित गरेकाे छ । एलिनाज एरेनामा भएको खेलमा घरेलु टोली बायर्नले २-१ गो अन्तरले जित निकालेको हो।
बार्यनको जितमा रोबर्ट लेवान्डोस्की र थोमस मुलरले गोल गरे। खेलको ७ औं मिनेटमै लेवान्डोस्कीले मुलरको पासमा गोल गर्दै बायर्नलाई अग्रता दिलाएका थिए।
दोस्रो हाफकाे ६२ औं मिनेटमा मा फ्रेइबर्गका निल्स पिटरसनले गोल गर्दे टिमलाई खेलमा फर्काउन कोशिस गरे । ७४ औं मिनेटमा बायर्नका मुलरले गोल गर्दै जित पक्का गरे ।
फ्रेइबर्गमाथि गोल गरेका लेवान्डोस्कीकाे गोल किर्तिमानी गोल थियो । उनले बुण्डेसलिगामा सुरुवाती १६ खेलमा २१ गोल गर्ने पहिलो खेलाडी बन्दै किर्तिमान बनाएका हुन् ।
जितसँगै शीर्षस्थानको बायर्नले १६ खेलबाट ३६ अंक जोडेको छ भने दोस्रो स्थानमा रहेको आरबी लाइपजिगको समान १६ खेलबाट ३२ अंक छ।
