शहीद स्मारक ‘सी’ डिभिजन लिग फुटबलमा आज खालीबारी युथ क्लब र समाज कल्याण खेलकुद केन्द्र तथा ओसिस क्लब र स्वयम्भु क्लबीच प्रतिस्पर्धा हुँदै छ ।
लतिलपुरको सातादोबाटोस्थित एन्फा कम्प्लेक्समा दिउँसो साढे १२ बजे सुरु हुने खेलमा खालीबारी र समाज कल्याणबीच प्रतिस्पर्धा हुनेछ ।
समूह ‘ए’ मा रहेका दुवै टोली आज लगातार दोस्रो जित निकाल्ने योजनामा छन् । पहिलो खेलमा खालीबारीले झापा एफसीलाई हराएको थियो भने समाल कल्याणले सानो गौचरण युथ क्लबलाई पराजित गरेको थियो ।
यस्तै आज दिउँसो साढे ३ बजे हुने अर्को खेलमा ओसिस क्लब र स्वयम्भु क्लबबीच प्रतिस्पर्धा हुनेछ ।
