त्रिदेशीय कप फुटबल प्रतियोगिताको पहिलो हाफमा बंगलादेशविरुद्ध नेपालले २-० गोलको अग्रता बनाएको छ ।
घरेलु मैदान दशरथ रंगशालामा जारी खेलको १८औँ मिनेटमा नेपालका लागि संजोग राईले गोल गरेका हुन् । त्यस्तै पहिलो हाफको अन्त्यतिर नेपालका लागि विशाल राईले दोस्रो गोल गरेका हुन् । त्यसपछि नेपालले पाएको केही सुन्दर मौका गोलमा परिणत भएन । दुई गोल खाएपछि बंगलादेशले आफ्नो लय केही गुमाएको थियो ।
नेपाली राष्ट्रिय टिमले पछिल्ला सातवटा अन्तराष्ट्रिय प्रतियोगितामा गोल गर्न सकेको थिएन । त्यो गोलको खडेरी आज तोडिएको छ ।
प्रतियोगिताको पहिलो हाफमा अग्रता बनाएको नेपालले केही सुन्दर प्रयास गरेको थियो । खेल प्रतिपर्धात्मक रहे पनि पहिलो हाफमा नेपालले बंगलादेशविरुद्ध दबाब सिर्जना भने गरेको छ ।
