काठमाडौं । त्रिकोणात्मक टी–२० सिरिजअन्तर्गत क्रिकेट खेलमा आज नेपाल र नेदरल्याण्ड्सको प्रतिस्पर्धा हुने भएको छ । कीर्तिपुरस्थित त्रिवि अन्तर्राष्ट्रिय क्रिकेट मैदानमा गत शनिबारदेखि सुरु भएको उक्त सिरिजमा नेपाल र नेदरल्याण्ड्स आज दोस्रोपटक खेल्न लागेको हो ।

यसअघि उदघाटन खेलमा नेपालले नेदरल्याण्ड्सलाई ९ विकेटले हराएको थियो । त्यसपछि नेदरल्याण्ड्सले मलेसियालाई १५ रनले हराउँदै पहिलो जित हात पारेको थियो । नेपालले सोमबार मलेसियालाई पनि ९ विकेटले हराउँदै दोस्रो जित हात पारेको थियो ।