काठमाडौं । कीर्तिपुरस्थित त्रिवि क्रिकेट मैदानमा जारी त्रिकोणात्मक टी– २० क्रिकेट सिरिजमा आज नेदरल्याण्ड्स र मलेसिया भीड्ने भएको छ । उक्त खेल आज अपराह्न १२ः१५ बजेबाट सुरु हुने छ ।

गत शनिबारदेखि सुरु भएको उक्त सिरिजको पहिलो खेलमा नेपालसँग ९ विकेटले पराजित नेदरल्याण्ड्सले दोस्रो खेलमा मलेसियालाई १५ रनले र तेस्रो खेलमा नेपाललाई ३ विकेटले पराजित गरेको थियो । मलेसिया पहिलो खेलमा नेदरल्याण्ड्ससँग १५ रनले र दोस्रो खेलमा नेपालसँग ९ विकेटले हारेको थियो ।

तीन खेलमा दुई खेल जित्दै आयोजक नेपाल ४ अंकसहित शीर्ष स्थानमा रहेको छ । नेपालले पहिलो खेलमा नेदरल्याण्ड्सलाई र दोस्रो खेलमा मलेसियालाई समान ९ विकेटले हराएको थियो । यस प्रतियोगिताको फाइनल खेल यही बैशाख ११ गते हुने छ ।