युरोकप फुटबलमा आज (सोमबार) चार खेलहरू हुँदैछन्। युरोपको विभिन्न ११ सहरमा आयोजना भइरहेको युरोकपको समूह चरण अन्तर्गत आज समूह बी र समूह सी को समान दुई/दुई खेल हुनेछन्।

समूह सी मा रहेको नेदरल्यान्ड्स र नर्थ म्यासेडोनियाबीच प्रतिस्पर्धा हुनेछ । दुई टिमबीचको खेल राति ९ः४५ बजे सुरु हुनेछ । यसै समूहको अर्को खेलमा युक्रेन र अष्ट्रिया भिड्ने छन् । युक्रेन र अष्ट्रियाबीचको खेल पनि ९ः४५ बजे नै सुरु हुनेछ ।

आजै हुने अर्को खेलमा समूह बी मा रहेको बेल्जियमले फिनल्याण्डसँग खेल्नेछ । बेल्जियम र फिनल्याण्डबीचको खेल राति १२ः४५ बजे सुरु हुनेछ। यस्तै समूहको अर्को खेलमा रुस र डेनमार्क भिड्नेछन्। दुई टिमबीचको पनि खेल राति १२ः४५ बजे नै सुरु हुनेछ ।