एजेन्सी । पिर्रे इमरिक अबामियाङले ह्याट्रिक गरेको खेलमा आर्सनलले वेस्ट ब्रोमविच अल्बियोनलाई ६–० ले हराएको छ । युवा खेलाडीहरुले भरिएको वेस्ट ब्रोमिचलाई आर्सनलले काराबाओ कपको  दोस्रो चरणमा हराएको हो । 

खेलमा अबामियाङले अर्को एक गोलका लागि पनि पास मिलाइदिएका थिए । उनको पासमा निकालोस पेपेले गोल गरेका हुन् । बुकायो साका र अलेक्ज्यान्द्रे लाकाजेट्टीले पनि आर्सनलबाट एक–एक गोल गरे । 

वेस्ट ब्रोमले यस खेलमा ६ नयाँ खेलाडीहरुलाई मौका दिएको थियो । उनीहरुमध्ये पाँच जना २० वर्षमुनिका थिए । आर्सनलले अब तेस्रो चरणमा एएफसी बिम्बल्डनसँग प्रतिस्पर्धा गर्नेछ ।