नर्थ मासेडोनियामाथि ४–० गोलअन्तरको जितसँगै जर्मनी अर्को वर्ष कतारमा हुने फिफा विश्वकपका लागि छनोट हुने पहिलो टोली बनेको छ ।

पहिलो हाफ गोलरहित बराबरीमा थियो । काइ हाभेट्जले ५०औं मिनेटमा टिमका लागि पहिलो गोल गरेका थिए । जसका लागि थोमस मुलरले निस्वार्थ पास उपलब्ध गराएका थिए । टिमो वेर्नरले गरेको गोलमा पनि मुलरकै पास थियो । वेर्नरले ७० र ७३औं गरी तीन मिनेटको अन्तरमा २ गोल गरेपछि जर्मनीले ३ गोलको अग्रता बनाएको थियो । त्यसपछि ८३औं मिनेटमा जमालले गोल गरेका हुन् ।

हान्सी फ्लिक प्रशिक्षित जर्मन टोली बीसौंपल्ट विश्वकपका लागि छनोट भएको हो । जर्मनीभन्दा अगाडि ब्राजिलले मात्रै २१औं पल्ट विश्वकप खेलेको छ ।