काठमाडौं । नेपाली बजार केही दिनयता सुनको भाउ निरन्तर घट्न थालेको छ ।
अघिल्लो दिनको (कारोबारको) तुलनामा आज सोमबार सुनको मूल्य प्रतितोला ५ सय रुपैयाँले घटेको छ ।
नेपाल सुन चाँदी व्यवसायी महासंघका अनुसार आजका लागि छापावाल सुनको मूल्य प्रतितोला ९७ हजार ९०० रुपैयाँ तोकिएको छ ।
त्यसैगरी तेजाबी सुनको मूल्य प्रतितोला ९७ हजार ४०० रुपैयाँ कायम गरिएको छ ।
महासंघका अनुसागत हिजा (आइतबार) छापावाल सुन प्रतितोला ९८ हजार ४०० रुपैयाँ र तेजाबी सुन प्रतितोला ९७ हजार ९०० रुपैयाँ कायम गरिएको थियो ।
यसैगरी चाँदीको मूल्य पनि तोलामा २५ रुपैयाँले घटेर आज प्रतितोला एक जहार ३२० रुपैयाँ तोकिएको छ ।
अन्तर्राष्ट्रिय बजारमा सुनको मूल्यमा गिरावट आएपछि नेपाली बजारमा पनि सुनको मूल्य घटेको हो ।
सुनचाँदी व्यवसायीका अनुसार काठमाडौं उपत्यकालगायत विभिन्न जिल्लामा जारी निषेधाज्ञाका कारण कारोबार भने ठप्प जस्तै छ ।
