केही साता अगाडि गोपीकृष्ण मुभिजको व्यानरमा निर्माण हुन लागेको चलचित्र ‘माइकल अधिकारी’को थिम पोस्टर सार्वजनिक भयो । थिम पोस्टरमा एक गर्भवती महिललाई फिचर गरिएको थियो । महिलाको पेटमा बाधिएको चिटमा लेखिएको छ, ‘कोख भाडामा ।’
यसैबाट चलचित्रको कथा प्रष्ट हुन्थ्यो । चलचित्रले सरोगसीको कथालाई प्रस्तुत गर्नेछ । रञ्जित रौनियारको कथा रहेको चलचित्रलाई रौनियारले नै निर्देशन गर्नेछन् । चलचित्रको पटकथा तथा संवाद शैलेश कंडेलले लेखेका छन् ।
सौगात मल्ल र श्रष्टि श्रेष्ठले मुख्य रहने यस चलचित्रले आफ्नो छायांकन प्ररम्भ गरेको छ । माघे संक्रान्तिको अवसर पारेर बुधबारबाट चलचित्रको छायांकन सुरु गरेको हो । झापाको विर्तामोड पुगेर चलचित्रले आफ्नो छायांकन सुरु गरेको हो । सार्वजनिक तस्विुर हेर्दा सौगात र श्रृष्टिलाई निकै फरक अवतारमा देख्न सकिन्छ ।
उद्धव पौडेलको प्रस्तुति रहेको चलचित्रलाई निरक पौडेलले निर्माण गरेका हुन् । चैत २८ गतेलाई रिलिज लक्ष्य राखेको चलचित्रमा सौगात र सृष्टीसँगै अशान्त शर्मा, एनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरा लगायगतको अभिनय रहने छ ।
