पछिल्लो समय बलिउडमा रुचाइएका कलाकार नायक कार्तिक आर्यन र नायिका सारा अलि खान स्टारर चलचित्र ‘लभ आजकल’को ट्रेलर सार्वजनिक भएको छ ।

ट्रेलरमा कार्तिक र सारासँगै आरुषी शर्मा पनि फिचर छिन् । ट्रेलरमा आर्यनलाई दुबै नायिकासँग फिचर गरिएको छ । ट्रेलर हेर्दा चलचित्र त्रिकोणात्मक प्रेमकथामा आधारित रहेको बुझ्न सकिन्छ । 

इम्तियाज अलीको निर्देशनमा बनेको यस चलचित्रले भ्यालेन्टाइन डे अर्थात् १४ फेब्रअरीलाई आफ्नो रिलिज मिति तोकेको छ । चलचित्रमा दुई वटा प्रेमलाई देखाइएको छ । जसमा एउटा ‘आज’ अर्थात् २०२० र अर्को ‘कल’ १९९० को प्रेम छ ।

चलचित्रमा सारा बोल्ड अवतारमा प्रस्तुत भएकी छिन् भने आरुषि साधारण युवती बनेकी छन् । कार्तिक लभरब्वाईको भूमिकामा छन् ।