‘छक्का पञ्जा’ क्याम्पकी निर्देशक दीपाश्री निरौलाले प्रतिष्पर्धामा काम गर्न मज्जा हुने बताएकी छिन् । चलचित्र ‘लक्का जवान’को गीत रिलिज कार्यक्रममा पुगेकी दीपाले उक्त कुरा बोलेकी हुन् ।
गीत रिलिज कार्यक्रममा दीपाश्री, जितु नेपाल र केदार घिमिरे पाहुना बनेर पुगेका थिए । जहाँ जितु नेपालले चलचित्रलाई शुभकामना दिदैँ भने, ‘यस चलचित्र छक्का पञ्जा भन्दा माथि जाओस् ।’
जितु नेपालको शुभकामना पछि दीपाश्रीको हातमा माइक पुग्यो । दीपाले पनि चलचित्रलाई शुभकाना दिइन् । शुभकामना लगत्तै उनले छक्का पञ्जाको रेकर्ड ब्रेक गर्ने प्रसंग उठाइन् ।
उनले भनिन्, ‘रेकर्ड भनेको ब्रेक गर्न कै लागि बन्ने हो । एकपछि अर्को रेकर्ड ब्रेक गर्दा जुन मज्जा छ नि त्यो काहीँ पनि छैन् । त्यसैले प्रतिष्पर्धा हुन जरुरी छ ।’
उनले चलचित्र पैसा भन्दा पनि प्रशंसा कामउनु पर्ने बताइन् । उनले थपिन्, ‘यहाँ १९ करोड, २० करोड भन्दा पनि दर्शकले रुचाउने चलचित्र बनोस् । दर्शकले वाह भनुन । त्यसलाई नै सफलता मान्छु म ।’
दीपाश्रीले चलचित्र लक्का जवानलाई आफ्नै चलचित्र भएको बोल्दै भनिन्, ‘यो चलचित्र सुपर डुपर हिट होस् । सबै रेकर्डहरु ब्रेक गरोस् । सबैभन्दा पहिला मायाको रेकर्ड धेरै राख्न सफल होस् ।’
