नायिका साम्राज्ञी राज्यलक्ष्मी शाह अहिले काम बिहिन भएकी छिन् । उनको हातमा अहिले कुनै पनि चलचित्र छैन् । त्यसैले उनी प्रेमी देवंश राणासँग घुमफिरमा समय बिताइरहेकी छिन् ।
साम्राज्ञीले आफ्नो फुर्सदको समयमा एक म्युजिक भिडियोमा काम गरेकी छिन् । उनले प्रेमी देवंशसँग नै म्युजिक भिडियोमा काम गरेकी हुन् । साम्राज्ञी आफैँले एक स्टाटस पोष्ट गर्दै आफूहरुले सँगै म्युजिक भिडियोमा काम गरेको बताएकी छिन् ।
उनले एक फोटो पोष्ट गर्दै लेखेकी छिन्, ‘यो म्युजिक भिडियोको पहिलो लुक्स हो । हामीले सँगै भिडियोमा काम गरेका छौँ । अनुमान गर्नुस् गीतको गायिका हो होला ?’
बुझिए अनुसार साम्राज्ञीले आफ्नै आमा नेहा आरएल राणाको गीतमा अभिनय गरेकी हुन् । नेहाको स्वरमा रेकर्ड भएको ‘तिमी र म’ बोलको गीतमा उनीहरुले अभिनय गरेका हुन् । भिडियोको निर्माण तथा निर्देशनमा पनि सम्पूर्ण टिम कै सहकार्य गरेको छ ।
साम्राज्ञीको अनुसार यस चलचित्र केही दिनमा रिलिज हुनेछ । साम्राज्ञी आफ्नो पहिलो म्युजिक भिडियोलाई लिएर निकै उत्साहित छिन् । अझ आमाकै गीत भएका कारण पनि उनीमा उत्साह छ ।
