सौरभ चौधरीको निर्देशनमा तयार भएको चलचित्र ‘लभ डायरिज’को ट्रेलर सार्वजनिक भएको छ । सोमबार एक कार्यक्रम गर्दै चलचित्रको ट्रेलर सार्वजनिक गरिएको हो ।
प्रेम कथामा निर्माण भएको चलचित्रको ट्रेलरमा प्रेम, रोमान्स र विछोडलाई देखाइएको छ । चलचित्रका मुख्य दुई कलाकार सुशिल श्रेष्ठ र रविना थापाको वरिपरी चलचित्रको ट्रेलर घुमेको छ । ट्रेलर निकै ‘रिच’ बनाइएको छ ।
भ्यालेन्टाइन डेलाई लक्षित गर्दै फागुन २ गते रिलिज हुने यस चलचित्रमा सुशिल र रुविनासँगै विश्वजित रिमाल, बिष्णु सापकोटा, अर्जुनजंग शाही, विशाल पहारी लगायतकाको अभिनय रहेको छ ।
मधु बस्तोलाको कथा, पटकथा रहेको चलचित्रमा शाहिल खान एसेसियट निर्देशकको रुपमा रहेका छन् । संजय लामाले खिचेको चलचित्रलाई मिलन श्रेष्ठ र दीर्घ खड्काले सम्पादन गरेका छन् । विनोद सापकोटाले निर्माण गरेको चलचित्रमा अर्जुन पोखरेलले संगीत दिएका छन् ।
