चलचित्र ‘प्रेम गीत’को तेस्रो सिरिज ‘प्रेम गीत ३’ यस वर्षको प्रतिक्षित चलचित्रमा एक हो । मंगलबार यसै चलचित्रको टिजर सार्वजनिक गरिएको छ । सार्वजनिक टिजरमा चलचित्रका मुख्य कलाकार प्रदीप खड्का, नव-कलाकार मनिष राउत र अभिनेता शिव श्रेष्ठलाई विषेश स्थान दिइएको छ ।

एक्सन प्रधान चलचित्रमा प्रदीपको ‘एन्ग्री लुक्स’ देखाइएको छ । दाजु-भाई बनेका प्रदीप र मनिषको भिडन्तलाई पनि टिजरमा समेटिएको छ । 

चैत २८ गते रिलिज हुने चलचित्रमा शिव, प्रदीप र मनिषसँगै क्रिस्टिना गुरुङ, अनुभव रेग्मी, सम्वृद्धि शाही ठकुरी, सुनिल थापा, सन्तोष सेन, माओत्से गुरुङ, पुस्कर कार्की, प्रेम पुरी, लक्ष्मी वर्देवा, योगिशा खत्री, जीवन भट्टराई लगायतको अभिनय छ । 

२ सय वर्ष पूरानो कथामा निर्माण भएको चलचित्र ‘प्रेम गीत ३’लाई सन्तोष सेनले निर्माण गरेका हुन् । सन्तोष र छेतेन गुरुङको संयुक्त निर्देशनमा तयार भएको चलचित्रलाई निर्देशक गुरुङ र मन्दीप गौतमको लेखेका हुन् । राजेश श्रेष्ठले खिचेको चलचित्रलाई बनिश शाह तथा भुपेन्द्र अधिकारीले सम्पादन गरेका छन् ।

चलचित्रमा कल्याण सिंह र एलिश कार्कीको संगीत, कविराज गहतराजले कोरियोग्राफी, हिमाल केसीले एक्सन रहेको छ ।