मुम्बई । बलिउड अभिनेत्री सोनाक्षी सिन्हा आफ्नो एउटा तस्विरका कारण तनावमा आएकी छिन् ।
भारतमा लकडाउन भएको ३४औं दिनमा आफू कारमा चढेको तस्बिर सार्वजनिक गरेपछि उनी विवादमा आइन् ।
यसैबीच उनले आफ्नो भाइरल तस्बिरप्रति माफी मागेकी छिन् ।
लकडाउनको बेला उनी कारमा सहर घुमिरहेकी छन् भन्ने समाचार सार्वजनिक हुन थालेपछि सोनाक्षीको विरोध भएको थियो । उनको तस्बिरलाई व्यापक ट्रोलसमेत बनाइएको थियो ।
विवाद हुन थालेपछि सोनाक्षीले आफू कारमा चढेर घुमेको उक्त फोटो 'लकडाउनभन्दा केही दिन अघिको' भएको बताएकी छन् ।
लकडाउनको बेला त्यो पललाई सम्झेर तस्बिर सेयर गरेको तर आफू नघुमेको उनले बताएकी छिन् ।
लकडाउनलाई पूर्ण रूपमा पालना गरेको उनले बताएकी छिन् ।
