दुई दिन अगाडि सलमान खानको स्वर रहेको नयाँ गीत सार्वजनिक भएको छ । सलमानकै अफिसियल युट्युब च्यानलबाट सार्वजनिक भएको 'भाई-भाई' बोलको गीतलाई अहिले दर्शकले निकै रुचाएका छन् ।
रिलिजको दुई दिनमा नै यस गीतले डेढ करोड भन्दा बढि भ्युज पाएको छ । गीतलाई २० लाख भन्दा बढि दर्शकले लाइक गरेका छन् भने १ लाख २५ हजार भन्दा बढि दर्शकले गीतमा प्रतिकृया दिएका छन् ।
यस गीतले हिन्दु र मुश्लिम बीचको दुरीलाई घटाउनु पर्ने सन्देश दिएको छ । गीतमा हिन्दु र मुश्लिम भाई-भाई भएको र झगडा गर्न नहुने बताइएको छ ।
गीतमा साजिद वाजिदको संगीत संयोजन रहेको गीतमा सलमानसँगै रूहान अर्षदको स्वर, सलमान र दानिश सब्रीको शब्द, रूहानको र्याप र साजन सिंहको कोरियोग्राफी रहेको छ ।
आदित्य देवको निर्माण गरेको यस भिडियोलाई साजन सिंहले खिचेका हुन् । भिडियो सम्पादन रितेश सोनीले गरेका हुन् ।
